A psicohabitación é unha disciplina que abarca calquera tipo de espazo construído, sen embargo é no dormitorio no que encontra a súa maior parte de acción. Aproveitar o estado onírico, o subconsciente e a memoria para alcanzar maior coñecemento sobre nos mesmos e os espazos que habitamos.
A psicohabitación está indicada para persoas que queiran coñecerse e explorarse a través dos espazos que habitaron ou habitan.
Terapias: A continuación preséntoche unha serie de terapias psicohabitación que traballan cuestións diferentes: Terapia Dormitorio da Infancia TDI, Terapia Dormitorio TD, Terapia Dormitorio Actual TDA, Terapia Habitación de Hotel THH, Terapia Habitación de Hospital THHO.
Tería unha primeira reunión contigo para ver que terapia se adapta mellor aos teus problemas espaciais.
Estimado espectador:
A Psicohabitacion é unha teoría centrada na análise da acción e efecto de habitar.
Nada máis saímos do útero materno precisamos outro habitáculo que nos de protección. Comeza así o discorrer da nosa vida por unha serie de cuartos que recollen ao noso corpo e á nosa mente.
A historia da nosa vida está marcada por estas experiencias espaciais, especialmente o dormitorio, no que entramos no subconsciente.
A Psicohabitacion permite analizar todos os dormitorios e espazos destacados, co fin de obter información sobre nós, que nos permite coñecernos e mellorarnos.
Recibes os seguintes cuestionarios:
- Cuestionario BASE: establecer o teu perfil.
- Terapia Dormitorio da Infancia TDI: centrada no cuarto(s) que habitaches na infancia.
- Terapia Dormitorio TD: centrada nos dormitorios da túa vida.
- Terapia Dormitorio actual TD: análise do dormitorio que ocupas na actualidade.
- Variables espaciais: información sobre as calidades dos espazos que habitas.
- Cuarto soñado: despois de analizar a información anterior, elixiremos un cuarto co que establecer un vínculo especial.
Antes de responder aos cuestionarios pode ser útil revisalos para facerse unha idea da totalidade. É moi importante que te deixes levar polo inmediato dos teus recordos e a túa intuición.
Unha vez os cuestionarios estean cubertos teremos un encontro para traballar coa información obtida.
As vivencias do período da infancia son de grande importancia no futuro desenvolvemento do individuo adulto. Ao igual que aprendemos os nosos esquemas de comportamento, instálase en nosoutros o espazo aprendido. As nosas experiencias espaciais infantís, en especial o noso dormitorio da infancia, determinan as nosas preferencias futuras en relación a seguridade, protección, comodidade, harmonía.
THI é útil na resolución de posibles conflitos ou traumas adultos que poden ser provocados por malas experiencias espaciais. Pero a súa utilidade vai moito máis alá ao permitirnos acadar maior coñecemento sobre nosoutros mesmos e sobre as nosas preferencias espaciais.
Cuestionarios:
O noso dormitorio é un espazo moi importante na nosa vida, nel pasamos as horas de sono, neste tempo necesitamos estar seguros de que nada nin ninguén aproveitará a nosa vulnerabilidade. Todos temos o que consideramos o noso dormitorio e ao que volvemos para sentirnos seguros na nosa cama. A cama é o punto central do dormitorio e aglutina unha gran carga simbólica, non só nos recolle para durmir, é o medio para o mundo onírico e do subconsciente; é o lugar do descanso, o relax, o sexo, pero tamén da enfermidade.
Son varios os dormitorios e as camas que temos ocupado ao longo da nosa vida e probablemente existe un que consideras o TEU dormitorio, por enriba dos demais. Depende tamén do momento vital no que nos encontremos.
Tendo en conta a gran importancia do espazo do dormitorio na nosa vida coa súa incidencia física e psíquica, da súa correcta harmonía depende tamén gran parte do noso benestar.
TD é útil na resolución de posibles conflitos psíquicos que poidan ser provocados por malas configuracións espaciais dos dormitorios que ocupamos. Permite coñecernos mellor sobre os nosos gustos e necesidades habitacionais, conectar co estado onírico e o noso subconsciente. TD pode ser tamén utilizada en procesos de insomnio ou hipersomnio.
Como complemento podes realizar tamén Terapia Habitación da Infancia
Cuestionarios:
O noso dormitorio é un espazo moi importante na nosa vida, nel pasamos as horas de sono, neste tempo necesitamos estar seguros de que nada nin ninguén aproveitará a nosa vulnerabilidade. Todos temos o que consideramos o noso dormitorio e ao que volvemos cada noite para sentirnos seguros na nosa cama. A cama é o punto central do dormitorio e aglutina unha gran carga simbólica, non só nos recolle para durmir, é o medio para o mundo onírico e do subconsciente; é o lugar do descanso, o relax, o sexo, pero tamén da enfermidade.
Tendo en conta a gran importancia do espazo do dormitorio na nosa vida coa súa incidencia física e psíquica, da súa correcta harmonía depende tamén gran parte do noso benestar. O gran dominio que o deseño do espazo arquitectónico exerce sobre as nosas vidas fai que a súa configuración non se corresponda en moitos casos coas nosas necesidades.
TDA está especialmente deseñada para resolver calquera problema que consideramos depende da configuración do teu dormitorio actual. Si incidimos sobre el estaremos incidindo no noso benestar. TDA pode ser tamén utilizada en procesos de insomnio o hipersomnio.
Como complemento podes realizar tamén Terapia Habitación da Infancia
TDA ofrece 3 posibilidades de traballo:
- Coñecerte mellor a ti mesmo e o dormitorio que ocupas.
- Construír unha maqueta a escala do teu dormitorio para que tu a poidas modificar e realizar acceso mental.
- Transformar de forma directa o teu dormitorio para que responda as túas necesidades.
Cuestionarios:
O ingreso hospitalario acostuma ser unha experiencia perturbadora. Á preocupante situación da enfermidade únese a estancia nun lugar descoñecido, aséptico, que te sitúa na realidade da enfermidade. A habitación de hospital acostuma a ser un lugar clínico, impersoal, no que o noso corpo e a nosa mente non encontran o abrigo do espazo coñecido e propio.
Non podemos modificar a realidade da enfermidade, pero si podemos minimizar a vivencia do espazo hospitalario.
A innovadora terapia que che propoño incide na túa imaxinación e no teu subconsciente: se tes a oportunidade de cambiar segundo os teus desexos a habitación de hospital, o recordo que terás do teu paso polo hospital será o de ter permanecido na habitación modificada nunha maqueta.
TERAPIA HABITACIÓN DE HOSPITAL ESPECIFICA PARA LACTANTES
A Terapia Habitación de Hospital adaptada á área de lactantes pode ser de gran utilidade para a vivencia do ingreso hospitalario do voso bebé.
A IDEA É A SEGUINTE
Deseñar a configuración da habitación do hospital para xerar a proximidade tan necesaria entre nai, pai, e fillo. O neno precisa sentir o amor que transmite a vosa presenza, e esta pode ser potenciada coa desexada transformación da habitación, aproveitando a enerxía dun lugar agradable.
COMO FUNCIONA?
- Recibes a maqueta da habitación do hospital na que vos atopades.
- Tedes a posibilidade de transformar a maqueta segundo os vosos desexos. Podedes cambiarlle a cor na súa totalidade: paredes, teito, chan, mobiliario (modificar a disposición do mobiliario, engadir ou retirar algún elemento), pensade en que compartides habitación con outros pacientes e familiares.
- A redución de escala permítevos a visualización da totalidade e o acceso mental. Unha vez teñades transformada a maqueta concentrádevos en vivir nela. A maqueta pasa a ser o lugar da vosa estancia no hospital.
- A terapia remata transformando o espazo da maqueta na vosa habitación ideal de hospital. No futuro cando lembredes o voso paso polo hospital a habitación que lembraredes será a creada por vos, segundo os vosos desexos e necesidades. Deste xeito minimizamos a vivencia do espazo hospitalario.
Libro Terapia Habitación de Hospital
Cuestionarios:
A viaxe ten estado sempre ligado á evolución del ser humano, grazas a el tense obtido gran cantidade de coñecemento e experiencia. O xeito de viaxar evolucionou á par que a vida humana e na actualidade a posibilidade de iniciar viaxe é inmediata e as ofertas ilimitadas. Calquera viaxe pode ser imaxinada e conseguida, incluso a tan ansiado viaxe espacial aínda que ao alcance de moi, moi poucos.
Na viaxe temos que desprazar o noso corpo e buscar acomodo para el no lugar de destino, o hotel é o lugar no que recibirá seguridade para pasar a noite. Por esta circunstancia a habitación de hotel preséntasenos como o lugar ideal para realizar terapia. O noso corpo e en especial a nosa mente sofren alteracións no proceso da viaxe, son estas alteracións as que podemos aproveitar para incidir en cuestiones que nos interesen. Neste caso o estado onírico servirá para traballar sobre o noso subconsciente, sendo a terapia moito más eficaz. THHO ofrece varias posibilidades de traballo:
1. Deseñar unha viaxe con un fin. Organizar a viaxe propicia para a terapia, deseñar unha maqueta de viaxe previa e viaxar con ela.
2. Deseñar habitacións de hotel en diferentes lugares para a realización de terapias:
- Traballar cunha maqueta a escala da habitación do hotel. Esta maqueta será transformada para cada hóspede cun fin concreto. O seu funcionamento basease no acceso mental á maqueta en relación ao espazo que se ocupa.
- Transformar de forma directa a habitación del hotel para vivir e experimentar unha terapia concreta.
Cuestionarios:
Casos
É o caso dunha muller que quere traballar a morte de súa nai cando tiña 12 anos. Na actualidade ten 32 anos.
Hai un espazo real que o conecta con ela, o trasteiro do piso no que vivían. É un espazo pechado sen ventá cunha porta verde de metal.
A súa idea é transformar este espazo nun lugar de encontro e benestar. O espazo no ten ventá, as paredes están cubertas de andeis, e hai roupa da nai en bolsas de lixo.
Soña co espazo e este comeza a limparse de elementos, aparece unha ventá e todo se organiza ata chegar a unha cadeira-cama que dá a un campo e un río.
Constrúe unha maqueta con roupa da nai que vai a buscar as bolsas de lixo do trasteiro.
É unha muller vital, alegre, empática, creativa.
É unha persoa moi próxima á súa familia á que valora moito, de feito, aínda que a casa está modificada vive no mesmo lugar no que naceu e pasou a súa infancia, que lembra moi feliz.
Despois de analizar os espazos que describe o que máis valor ten é o dormitorio da infancia, que describe con todo detalle, tanto en elementos como en ambiente. A recreación é total, polo que podo debuxalo con todo detalle, en especial a cama.
No apartado sobre se soñaches co teu dormitorio da infancia ela conta un soño recorrente: durmía coa súa tía, a súa cama estaba pegada á parede e ela durmía no lado pegado. Soñaba que a cama estaba separada da parede, que podía baixarse por ese lado da cama e que había unha xanela desde a que vía o que había alén, un gran campo con árbores e un río. Falou tamén dun dormitorio intermedio, abuhardillado, no que desde a cama vía o ceo.
Debuxo os dous dormitorios
PROPOSTA
Crear o dormitorio da infancia modificado segundo o soño: separar a cama da parede, poñer unha mesiña de noite e unha xanela para poder ver o campo coas árbores e o río. Colocar outra xanela no teito para poder ver o ceo, como no dormitorio intermedio.
Estamos ante unha muller moi vital, alegre, temperamental e expresiva.
Describe os espazos con detalle e en todos eles hai unha fiestra grande con vistas ou unha terraza. Nas súas descricións hai ambientes afables, coloridos, cálidos. Ambiente: soñador, inspirador, potente, pasaba horas, reflexivo.
Fala de camas grandes, con bo colchón e coxíns. Entre o seu dormitorio preferido está un: grande, bonito, 40 m2, vistas ao mar de Arousa, bateas, posta de sol en amarelo. Que se identifica bastante co seu dormitorio ideal.
A Habitación de Hotel elixida é tamén similar ao dormitorio ideal.
Ante a pregunta: Gustaríache que o teu dormitorio de hotel se parecese ao teu dormitorio actual? Di que non, Estou aquí de paso.
O espazo que deseño para ela é o dormitorio ideal enriquecido como habitación de hotel: Cama grande con moitos coxíns, butaca ergonómica de cor vermella; saída directa ao mar con vistas a unha posta de sol.
Nas habitacións de hotel valora os baños grandes con bañeira, inclúo unha bañeira.
Despois de analizar a descrición dos espazos todos tenden a asemellarse ao seu dormitorio actual, que el define como: O meu dormitorio é o ideal porque é o pretendido no seu deseño.
Elixo entón o seu dormitorio actual: Amplo, suave de tons nas paredes e cabeceiro de fundido de cores terra. Ambiente amable e limpo – deslizante e tranquilo. O que mais lle gusta del é o relax visual e soños temperamentais. Tamaño: 20 m2. Aporta plano detallado del.
Debuxo este dormitorio e as cores as elixo en base ás súas preferencias cromáticas:
- Laranxa CA04: felicidade, saúde, familia, infancia, cabeza.
- Amarelo CA05: preferida e presente.
- Azul CZ13: relax e infinito
- Azul CZ12: de que cor es ti?
O espazo é laranxa pero suave, en relación a súa preferencia de cores suaves. Aporta felicidade, saúde, familia, infancia e cabeza.
A cama é amarela, tamén suave, preferida e presente.
Nomea na descrición do dormitorio a existencia de cadros apoiados e así inclúo dous, un azul ceo, relax e infinito, e outro azul medio, de que cor es ti? De xeito que dende a cama os poida ver.
Nunha estancia paralela debuxo un rosal, coñezo á persoa e sei que valora moito o seu xardín e as rosas que hai nel. Deste xeito inclúo a parte onírica presente na descrición.
Ao ser unha recreación do dormitorio actual, suxiro que este debuxo se coloque nel, na parede da dereita para que poida ser visto dende a cama real.
